Estimado usuario e amigo,

Como xa coñece, MeteoGalicia como Axencia Meteorolóxica en Galicia, provee aos cidadáns e organizacións, dunha serie de servizos relacionados tanto coa observación como coa predición meteorolóxica e outros relacionados co estudo do clima do país.

A vocación de servizo público, xerando confianza e, en consecuencia, a mellora continua da calidade do servizo e a adecuación aos intereses e necesidades dos usuarios, é un dos elementos vertebrales da política de xestión de MeteoGalicia.

Actualmente, MeteoGalicia está a deseñar e implantar un ambicioso programa de aseguramento da calidade. Tal proceso abrangue todo o ciclo dende a captación ata a elaboración posterior dos datos que chegan aos seus usuarios e clientes. Estas labores completan os traballos de control de calidade que xa estaban en marcha anteriormente. Tal sistema de xestión está baseado nos principios da norma internacional UNE EN ISO 9001:2000.

Como queira que un dos obxectivos de tal sistema é a plena satisfacción dos nosos usuarios e a anticipación ás súas necesidades e intereses, pregámoslle que cubra o cuestionario. Pode incluír todas as suas suxestións, intereses, necesidades e inquedanzas de xeito que logremos deseñar un servizo cada vez mellor e mais próximo aos cidadáns de tal xeito que este servizo se poida realmente e en toda a súa dimensión, considerar servizo público.

De antemán gracias pola súa cooperación.

Vicente Pérez Muñuzuri

Director de MeteoGalicia