Mediante o uso dun modelo de transferencia de radiacióón calcúlase a cantidade de radiación UV B que chega á superficie cunha longura de onda entre 280 e 315 nm. Para iso, tense en conta o día do ano, a hora á que se alcanza o mediodía solar e a latitude do punto, así como os niveis de ozono medidos. Posteriormente, esta cantidade promédiase de acordo ca resposta da pel a cada longura de onda; para iso, emprégase o chamado espectro McKinlay-Diffey Erythema, espectro que determina a influencia do índice UV nos seres humanos segundo cada longura de onda.

Unha vez temos o valor da irradiancia UV (UVIp) nun lugar dado, este verase afectado pola cuberta nubosa do punto (CN), así como pola altitude sobre o nivel do mar (ALT) á que se atopa o citado punto. Esta irradiancia en superficie aumenta un 8% por cada quilómetro sobre o mar. Por outra parte, a nubosidade reduce esta irradiancia, segundo a táboa 1 .

Estado do ceo
Factor de modificación	1.0	0.9	0.6	0.3	0.2	0.4

Táboa 1 .- Factor de modificación (CN) do índice UV segundo a cobertura nubosa

Así, a radiación UV (UVI) que finalmente chega á superficie virá determinada por:

UVI = UVIp * CN * (1 + 0.08 * ALT)

No noso caso, a predición operativa diaria do índice UVI realízase a partires dos niveis de ozono e da cuberta nubosa preditos polo modelo AVN.