MeteoGalicia Consellería de Medio Ambiente e Desenvolvemento Sostible MeteoGalicia
Masas de aire
Unha masa de aire é un extenso bloque de aire coas mesmas características xerais adquiridas tras manterse durante semanas ou meses sobre unha mesma zona, chamada rexión manantial ou rexión fonte, en xeral, áreas ciclónicas, onde o aire se estanca ou circula lentamente; a característica máis notable das masas é que conservan as súas propiedades meteorolóxicas no seu desprazamento fóra da rexión manantial.

Coma consecuencia do choque de masas de aire orixínanse a meirande parte das borrascas e frontes.

Masas de aire que afectan a Galicia:

  • Ártica Marítima (Am): A súa orixe establécese no Círculo Polar Ártico; trátase dunha masa húmida e moi fría.
  • Ártica Continental (Ac): Tamén xerada en torno ó Círculo Polar Ártico; é unha masa seca e moi fría.
  • Polar Marítima (Pm): A súa orixe está no Atlántico Norte; trátase dunha masa de aire húmida e fría ou fresca.
  • Polar Continental (Pc): Con orixe no continente eurasiático durante o inverno; é unha masa de aire seca e fría ou fresca.
  • Tropical Marítima (Tm): Creada no Atlántico central, ó sur das Azores; o aire da masa é húmido e cálido.

Cúmulos deste tipo son característicos das masas de aire polar marítimo:

cumulos

Curiosidades:

  • Unha masa de aire tropical contén de 5 a 10 veces máis auga ca unha masa de aire polar de parecido tamaño.