MeteoGalicia Consellería de Medio Ambiente e Desenvolvemento Sostible MeteoGalicia
As frontes
Unha fronte separa dúas masas de aire de características claramente diferenciadas.

Clasificación das frontes:

  • Estacionarias: Ningunha das dúas masas en separación avanza unha contra a outra.
  • Móviles: Subdivididas, á súa vez, en cálidas, frías e ocluídas.
    • Cálida: Das dúas masas, a cálida avanza sobre ou contra a fría. No mapa do tempo en superficie, represéntase cunha liña continua con semicírculos adosados a ela.
    • Fría: Separa masas nas que a fría avanza sobre a cálida; represéntase cunha liña continua e triángulos adosados a ela.
    • Ocluída: Fórmase cando unha fronte fría alcanza unha fronte cálida e desgaxa aire do sector cálido da superficie; nun mapa do tempo en superficie, as frontes ocluídas represéntanse mediante liñas continuas e algo grosas con pares de semicírculos e triángulos adosados a ela.

Secuencia de nubes que preceden ás frontes cálidas e ás oclusións:

  • 1.- Cirros (colas de cabalo e feixes).
  • 2.- Cirroestratos (halos).
  • 3.- Altoestratos (o sol desaparece progresivamente).
  • 4.- Nimboestratos (choiva ou neve).

Secuencia nubosa dunha fronte fría:

  • 1.- Chegada de grandes cúmulos de gran evoluciòn vertical, en ocasións mesturados con cumulonimbos.
  • 2.- O ceo escurécese comezando as precipitacións: chubascos, saraibas intermitentes, etc ...
  • 3.- Unha hora ou dous despois, xa existen claros no ceo e os cumulonimbos espácianse.

Exemplos de Fronte Fría(fig. esquerda) e Fronte Cálida (fig. dereita) tomadas do UKMODEL:


frontefria
frontecalida


Exemplo de Fronte Ocluída tomada do UKMODEL:

fronteocluida

Curiosidades:

  • No comezo do conflicto entre Xapón e os Estados Unidos durante a segunda Guerra Mundial, a escuadra xaponesa ocultouse trala nubosidade dunha fronte fría moi activa que avanzaba rápido cara as illas Hawai; sincronizaron tan ben os seus movementos que puideron chegar ata o seu obxectivo sen seren vistos; o ceo quedou case despexado tralo paso da fronte e puideron efectua-lo seu ataque contando co importante factor sorpresa.